بصوا الموضوع دة مفتوح خالص الى شايف حاجة يقولها الى نفسة يقول حاجة يقولها
ولو حد لية راى فى الى تانى بيقولة يرد علية او حد نفسة يسال سؤال ومش عارف يقولة ازاى ولا لمين يقولة
يمكن نلاقى جواب لاسئلة كتير احنا محتارين فيها
وانا هبتدى
انا نفسى اعرف احنا لية دايما بنرضى نتجرح فى سكوت ولو حتى دموعنا نزلت دة بيتحسب علينا ضعف
لية بنبقى عارفين اننا بنتجرح وبنضحك على روحنا ونقول لا دة مابيحصلش
لية دايما مابنصدقش لما اقرب حد لينا يجرحنا لية بنرضى نتجرح بالشكل دة
لية بنقول لروحنا بكرة ننسى واحنا مبننساش لية بنضحك على نفسينا كدة
لية دايما بتشتاق للى جرحك بالرغم ان جرحة بيبقى جواك وقلبك بيصرخ من كتر الالم الى حاسس بية
لية الى يحب حد مابيقدرش يكرهة لما يجرحة طب لو كرهة هيقدر ينسى كل لحظة كانت مابينهم
لية دايما الجرح بيبقى من اقرب حد منك لية مابيقدرش الى بينكم وبيبيع بسهولة
لية بنقول كلام بيبن ان احنا اقوياء واحنا الى جوانا عكس كدة ونفسنا نقولة بس مابنقدرش
عشان مايقولوش ان احنا مش قادرين نعيش مع الحياة وان احنا ضعفاء
كل واحد فيكم كدة يدور جواة هيلاقى حزن كتير وكلامى دة هيفكرة بحاجات حصلتلة
سواء الى حصلة دة من الانسان الى حبة او حد من اصحابة او حد قريب منة اوى
تفتكروا احنا كدة صح نقبل اننا نتجرح فى سكوت احسن ولا لازم نقول الى جوانا ونقول احنا موجوعين اوى
مش يمكن لو قولنا ماحدش يحاول يجرحنا تانى
مابقتش عارفة الدنيا دى ماشية ازاى ولا بقيت فاهمة هى عاوزة حد يدوس فيها بقلب جامد ولا حد طيب بيسكت وخلاص
طولت عليكم معلشى بس كان نفسى اقول الكلام دة اوى ونفسى حد يجاوبنى على الاسئلة دى من غير مواعظ وشعارات حد يبقى جرب بجد وحاسس انا قصدى اية