تخيلات

موضوع: تخيلات الأحد نوفمبر 09, 2008 8:30 pm

تخيل انك في الحب غارق.. توفي .. ومن تحب يخون ..تضحي..ومن تحب يغدر.[size=16].
وفي يوم تنصدم بالواقع وتكتشف الخيانه .. وقتها مالك الا احد الحلين .. ..
ياتندم وتتوب أو الاكيد ترجع من جديد تدور خاين جديد..

........

تخيل صديقك الصدوق.. تفديه بعمرك .. و تقول هذا بحقه قليل ..
وفي يوم بين الحيى والموت يكون.. يحتاج حياتك بحق وحقيق..
تتبرع له بكلى ولا يموت .. بتتبرع!!؟؟ .. ولا كالعادة تنساه ويموت ..

........
تخيل انك ماتشوف .. اعمى .. ولا تدري وش معى كلمه لون ..
ماتعرف (الابيض )ولا كيف( الاسود ) يكون..
وفي يوم تفتح عيونك وتشوف .. تشوف الخيانه.. تشوف الغدر..
واللي يقتل اخوه عشان ديون ..
بعدها تبي تشوف ولا ترجع زي اول ماتشوف ..
.........

تخيل انك بين الحيا والموت .. ماتقدر تنطق ولا تقدر تقوم ..
وفي يوم تفتح وتقوم .. بمعجزه من رب العالمين..
بعدها بتشكر ربك وتعرف كيف الواحد لازم يكون ..
ولا بترجع بعد يوم تسكر وتنكر وتظلم
وتقول الحياه لازم كذا تكون..

.........

تخيل انك قدام التلفزيون تشوف احداث عالمنا الغريب .. تشوف العراق واللي يصير..
تشوف فلسطين والاطفال ميتين .. تشوف الام والاخت تنهان .. تشوف الظلم..بعدها ...
ياتحزن وتسكت .. او بالغالب تغير القناه وتقوم..

..........

تخيل انك ماشي بسرعه جنونيه تسوق..وتصدم شايب عجوز بعصاه يتكي..ويموت..
وبعد ساعه ويمكن دقيقه..يبين التقرير الواضح الصريح النزيه ..ويكون المجني جاني..
و يكون الشايب المسكين الميت غلطان..اكيد بعدها..ماتستحي..
بتطلب سياره جديده .. بدال اللي خربها الشايب المجنون..

.........

تخيل انك تزعل امك .. وترجع اخر الليل سهران .. وهي تستناك .. تصلي وتدعي ماتنام ..
تدعي بصوت عالي تطلب من ربها يهديك ويصلح حالك ..
يا تجيها تركض تحب راسها وتدمع عيونك وتندم على عقوقك ..
ولا الاكيد تكابر وترفع راسك .. وتخليها وتروح ..

.........

تخيل انك تعمل... لا ماتعمل .. كل اللي عملته في دنياك معاصي ..

كلها كذب ونفاق وخيانه وغدر ..وعقوق
لا صلاه .. لا دين .. لا صلاح ..

وفي يوم يشيلونك بالاكتاف ويحطونك في حفره بالحالك تنام ..
كيف نهايتك وقتها بتكون...

.

.

.
تخيل وتخيل وتخيل .. وبالاخير تكتشف انها ماهي تخيلات...للاسف هذا واقعنا الاليم............
[/size]

موضوع: رد: تخيلات الإثنين نوفمبر 10, 2008 12:10 pm

مرسى مورو