عدد الرسائل : 793 العمر : 34 االبلد : مصر رقم العضويه : 12 تاريخ التسجيل : 06/02/2008
موضوع: ممكن تحب حد باعك ........ السبت أبريل 19, 2008 1:11 pm
السلام عليكم ورحمة الله وبركاته
ممكن تحب شخـص باعك. . . ؟
يعنى ممكن يكون شخص باعك واختار بعدك لاى سبب
وانت تفضل تحبه حتى بعد ما يسيبك ...؟
معقول هتقبل كده . . . ؟
طيب وكرامتــك هتقدر تدوس عليها . . . ؟
طيب وقلبك
لما يشتاقله وهو بعيد هتعمل فيه ايــه . . . ؟
هتقدر تدوس عليه هو كمان. . . .؟
هتدوس علي قلبك اللى كسره
طيب وشموخك وكبريائك
ازاى تدوس على كل ده علشان واحد باعك
ازااااى ازاااااى
فى حد يشترى حد باعه من غير تمن
فى حد يبيع كرامته ويدوس على قلبه
علشان واحد باعه
طيب هنتفترض انك هتقدر تدوس على كرامتك
هتقدر على كده ومش هيفرق معاك كرامه او من غير كرامه
وهتقول ده حب
طيب لو كنتى بنت واتقدم لك عريس محترم
هترفضيه علشان اللى بتحبيه وهو بعيد ...؟
طيب هتقعدى كده تعنسى
وهتقولى لاهلك ايــــــه . . . . ؟
ولو كنت ولد وكبرت فى السن هتفضل برضو تحبه . . . ؟
طبعا هيقولوك عايزين نفرح بيك
ونشيل عيالك
ده طبعا الكلام اللى بيتقال
هتغضب اهلك علشان حد باعك . . . ؟
يا ترى فى كده فعلا
فى حد ممكن يحب حد رغم انــه هو باعه . . . ؟
فى حد ممكن يحب حد فتره طويـــله وهو مش معاه . . . ؟
فى حد ممكن يدوس على كرامته بالشكل ده . . . . ؟
اتمنى المشاركه من الاعضاء
والاجابه على سؤالى
واتمنى مكونش ضايقت حد بكلامى
2mr-elzaman Admin
عدد الرسائل : 1726 العمر : 38 االبلد : مصر رقم العضويه : 1 تاريخ التسجيل : 22/12/2007
موضوع: رد: ممكن تحب حد باعك ........ الثلاثاء أبريل 22, 2008 11:06 am
لا طبعا
لان مجرد انه فكر يسيبك فمستهلش مجرد التفكير فيه
هو اكيد الواحد هيزعل لان الطرف التانى باعه لكن هيزعل على نفسه مش عليه لانه ميستهلش هو هيزعل على الايام الى ضاعت منه مع الشخص ده لكن انه يكره كل الناس علشان التجربه دى فده ضعف منه لانه مقدرش يفصل ويحدد ان الناس انواع
bany عضو شغال تمام
عدد الرسائل : 352 العمر : 32 االبلد : السوبر جيت رقم العضويه : 26 تاريخ التسجيل : 16/04/2008
موضوع: رد: ممكن تحب حد باعك ........ الثلاثاء أبريل 22, 2008 4:11 pm
بيوووووووور كل الحجات دي فروق فردية مفيش اتنين ابدا قصتهم وظروفهم زي بعضها والحكم اكيد بيختلف بس انا ضد التضحية من اجل الحب علي فكرة لان الحياة مرة واحدة والواحد لازم يستفاد بكل ثانية فيها مفيش مجاال للتضحيات طبعا لو كلوا قال كدا هتبقي الدنيا غابة بس انا مش قصدي دا قصدي ان احنا حياتنا غالية نستفاد منها احسن استفادة يعني لا نبكي علي اللبن المدلوء ومينفعش نحب حد دلئنا من الاخر
areej عضو شغله جبار
عدد الرسائل : 1362 العمر : 33 االبلد : بحور العاشقين رقم العضويه : 27 تاريخ التسجيل : 17/04/2008
موضوع: رد: ممكن تحب حد باعك ........ الثلاثاء أبريل 22, 2008 7:12 pm
فى جملة كنت دايما اسمعها بتقول ان الى بيحب عمرة مايكرة
تعرفى انا بيتقال عليا سورى يعنى هبلة عشان لما كنت بحب حد ويجرحنى ماقدرش اكرهة
ممكن لو رجع يكلمنى ببقى عادى بكلمة ولا اكن فى حاجة حصلت
موضوع: ممكن تحب حد باعك ........ 
السبت أبريل 19, 2008 1:11 pm
