تحدى البنات والصبيان

انا بقى نفسى اسال الصبيان سؤال
الى بيشرب سجاير دة بيبقى ماشى يالهوى على منظرة
تحس انة ابن باشا كبير
هو انتوا فاكرينها رجولة ولا بتفكروا فيها ازاى؟

بصي يا اريج انا عن نفسي كنت بشرب سجاير كده من حوالي 5 او 6 سنين بس الحمد لله بطلت من زمان
وهقولك شربت ازاي
كنت مدايق اوي فاشربت سجاير وبقيت كل ما ادايق اشرب سجتير اطلع غيظي فيها وكده لغايه اما بابا ابل ما يتوفي كان بيقولي ابل السجاير
فانا معنتش بشرب سجاير من ساعتها

ده عن نفسي انما بقي مش عارف كل واحد وظروفه

ازاى يعنى بطلع غيظك فيها
انا اعرف الى بيتغاظ بياكل لبانة
طيب قولى طعمها اية طيب
بتحس باية وانت بتشربها

ايه يا اريج
ده دخان
انا بجد مش عارف افهمك ازاي اني بطلع غيري فيها

خلاص خلاص
معلشى ياسيدى

ليه بس والله قوليلي انتى تقصدي ايه بالظبط وانا افهك
عاتي يعني

لا مش عاوزة افهم حاجة
خلاص شكرا

في ايه يا اريج

سكوربيون معملش حاجة
هو فعلا في ناس كتير بتشربها عشان تطلع غيظها فيها والغالب يعني مرة في مرة وبيتعودوا عليها

وانت زعلانة ليه يا بنتي بس

يابنتى مش زعلانة

وبعدين اصلا ماعدتش تفرق معايا ازعل من حد ولا مزعلش
زى مانا مش بفرق مع حد

مين اللي قال كده بس يا اريج
وايه الكلام اللي يزعل اللي بتقوليه ده
هو انتى زعلانه من مين بالظبط عشان تقولي كده
:S

في ايه يا اريج
بجد مالك
وايه اللي مبقتيش تفرقي مع حد دا
ليه بس بتقولي كدا

انتي زعلانة من ايه
ممكن حد يكون زعلك وهو مش واخد باله
عرفينا عشان نصلح الموقف
ومش تزعلي يا اريج
احنا كلنا هنا اخوات ومحدش يزعل من حد ولا حد يزعل حد
يالا قولي مالك بقي

مش زعلانة من حد هنا بس انا زهقت من الناس
الناس بقت وحشة اوى مابقوش يعرفوا بعض غير عشان مصلحة
الاصحاب بقوا عارفينك عشان المصلحة وبس
والاقارب عارفينك اهو صلة رحم
وحتى لما تيجى تحبى يخونك
مابقتش حاجة فى الدنيا دى حلوة خالص
انتوا ممكن بتقولوا عليا مرحة وبحب الضحك بس انا جوايا حزن كتير اوى
وبضحك عشان مااعيطش
انا والحمد لله ماعرفتش حد الا وكان وحش اوى
يلا بقى ربنا يسامح كل الى غلط فى حقى

بصي يا اريج
مفيش حد مش جواه حزن
انا عمر ماحد ممكن يتخيل اني عندي مشاكل ليه مش عارفة
الناس شيفاني اني مفيش مشاكل في حياتي خالص

واكيد مبحاولش ابين لاي حد اني زعلانة او مخنوقة لان محدش هيحس بيا
زي مانتي قلتي كدا
انا عندي الدنيا دي يا اريج عارفة عبارة عن ايه
عن كتلة خيانة
شايفة الناس كلها بتخون بعض حتي اقرب الناس ليا
عشان كدا بخاف اقرب من حد
او بخاف ادي ثقتي لحد
والله يا اريج انتي حاسة ان انتي لوحدك بس اللي عندك مشاكل
انتي عارفة يااريج
انا بعمل ايه لما بكون خلاص مخنوقة اووي وحاسة اني اتظلمت كتير قوي او مشاكلي كتير
بفكر بيني وبين نفسي
انا مشكلتي يعني هي الوحيدة يعني اللي في الدنيا دي
اكيد في ناس كتير عندهم مشاكل زيي واكتر مني
بفكر في الناس اللي عندها السرطان
بفكر في الولد او البنت اللي في سني اللي عندهم اعاقة ومش عارفين يعيشوا حياتهم
بفكر في اللي الناس اللي بين الحياة والموت
لو الناس وحشة يا اريج
دي مش غلطتك ولا غلطتي
ولا العيب منك
ممكن تكوني غلطانة في حاجة واحدة
انك ممكن تكوني طيبة اوي وبتصدقي اي حد بسهولة
او ميخطرش علي بالك ان الانسان دا ممكن يخون او يكدب
بس في الزمن دا يا اريج كل واحد فينا بنت او ولد
محتاجين اننا نتعامل مع اي حد بحرص ومش نديله الثقة الا اذا فعلا تأكدنا ان الانسان دا جدير بالثقة دي
عشان متخسريش حاجات في حياتك يا اريج

يا اريج انتي لسخ صغيرة ولسه هتقابلي ناس ولازم تتعلمي من المواقف عشان تفهمي الدنيا
امال احنا كلنا بنفهم الدنيا ازاي
لازم نقابل مصايب عشان نفهم الناس

معلشي يا اريج انا رغاية اوي صح
بس بصراحة انا بردوا كنت مضابقة ومصدقت اني اتكلم مع حد

انا مع جنه في كلامها

ميرسي يا سكوربيون علي تأيدك ليا

انا شايف ان كلامك صح خصوصا في حته
انتى ليه صغيره وكده

اصل الدنيا دي خبرات وطول مانتى عايشه لازم تكتسبي خبرات منها

بس تعرفى ياجنة الى تاعبنى انى كل اما اثق فى حد يطلع سورى يعنى واطى

يبقى مش عارفنى غير عشان مصلحة واقول لنفسى
لا يابت اعقلى الناس كلها مش كدة
جربى صاحبى حد تانى والتانى دة بيطلع اوحش من الاول
انا بدات احس ان العيب فيا انا
واوك انا لسة صغيرة بس مش معقولة كل حياتى هتبقى تجارب
انا عاوزة اعيش حياتى بين ناس بيحبونى وبحبهم
وحبهم دة يبقى فى الله
لانى بجد زهقت من الدنيا دى

صعب اوي لما تثق في حد اكتر من نفسك وفي الاخر
تندم علي كل حياتك اللي فاتت وتزعل اوي علي نفسك

اكيد يا اريج هتلاقي حد كويس
سواء كانت بنت او ولد

بس دا طبعا نادر جدا
وعلشان تختاريه صح لازم تعرفي انواع الناس الاول عشان تعرفي تفرقي مين الحلو ومين الوحش
والصداقة دي او معرفة الانسان الكويس مش حاجة سهلة كدا عشان نتهاون فيها ونكلم اي حد

لازم كلنا نتأني قبل ما نختار اي حد

ربنا يسهل بقى

عاوزة اسأل الشباب

انتوا بتبصوا للبنت اللي بتتعرفوا من علي النت عليها ازاي؟؟

عن نفسي
انا ببصلها علي انها صديقه ولو كانت كويسه وده طبعا بيبان من الواقف
ببصلها علي انها صاحبتي اوي واكيد بقولها علي حاجات خاصه بيا
ده عن نفسيمعرفش بقي باقي الولاد بيبصولها ازاي

اوك يا سكوربيون
انت بقي مش عاوز تسأل البنات حاجة

ah
el banat btbos llsha5s elly by7bha ezay
y3ny hatfdl motmaska behh l3'ayt emta ?

بص يا سكوربيون
انا عن نفسي اللي بيحبني وانا بحبه مبيكونش في اصلا نظرة دا هو بيكون كل حاجة يعني
واللي بيقدرني بقدره

في بنات كدا زيي
وفي بنات بتبص للي بيحبها علي اساس انه لازق فيها ومش راضي يبعد عنها
مع انها ممكن يكون في اعجاب بسيط من ناحيتها بس بتقول عليه كدا قدام اصحابها عشان تحسسهم ان الواد هيموت عليها

وفي بنات بتمثل علي الولد دا انها بتحبه وهي مبتكونش بتحبه
وبتبصله عادي يعني ولا يفرق معاها

وفي بنات بتبص للي بيحبها دا انه قلب ابيض كبير وطيب وتشوف كل حاجة حلوة فيه
بس انت عارف النظرة تكون كويسة امتي
لو كان هو عاجبها
ولو مش عاجبها الهانم هتعمله مصايب وتقول انه اللي بيجري وراها وهي مش عاوزاه

انا بقي عاوزة اسأل الولاد
انتوا ليه بتقبلوا انكوا تتسلوا بالبنات
مع انكوا عارفين ان دا حرام وفي نفس الوقت مبتقبلوش كدا علي اهل بيتكوا