ماذا لو صادفت حبك القديم...؟؟؟؟؟

موضوع يحير جميع من صادف الحب وعاش في كنفاته وابتعد عنه


|| ماذا لو صادفت حبك القديم ؟؟ !!



لو ألتقيت بحبيبك القديم صدفة

1\ بماذا ستشعر ؟؟
هل ستشعر بالفرحة تغمرك؟؟ أو تشعر بالحزن يعتصر قلبك؟؟


2\ هل تحاول إستعادة الماضي وإسترجاع حبك المفقود ؟؟ أم تتجاهله وتمضي ؟؟


3\ هل ستشعر بالحنين أم الأنين ؟؟


4\ هل تتمنى أن تقف عقارب الساعة
ويتوقف الزمن لو للحظات
من أجل أن تعيد رسم ملامح حبيبك
الذي أخفت ملامحه السنين ؟؟ أم تغمض عينيك وتسير ولا تنظر خلفك!!!!!

هذا سؤالي باختصار

واتمنى ان ينال اعجابكم

وفي انتظار مشاركاتكم وردودكم

ولكم مني ارق تحية

التوبيك راثع ياجنة

انا عن نفسى ولا اكن حاجة حصل
ولا اكن كان بينا حب وجرح
اهو صديق وخلاص ازيك الحمد لله سلام سلام
وخلاص على كدة
دة طبعا لو هو الى جة يكلمنى لان مش من طبعى احرج حد
بس من المستحيل افكر فية كحبيب تانى

ميرسي اوي يا اريج علي ردك الجميل دا
بس انا من رأيي ان مينفعش حتي نعتبره صديق ولا اصلا يكون في سلام ولا كلام

ههيبقى انسان عادى جدا
ولا كاءن حاجه كانت
بس
والتوبيك رائع يا جنه

ماهو ياجنة اكيد مش هيكون صديق
بس دة الى هتبينية لية انك مش ماثر فيكى حاجة
ممكن يكون راى غلط
بس انا عن نفسى ماحبش اكون ضعيفة قدام الى جرحنى

انتى بجد جبتى الموضوع ايلى كان نفسى اتكلم عنة من زمان
بس بجد انا عمرى ما هكلمة ولا حتى ابينلة انى شايفاة من اصلة
لان ساعتها مش هيبقى ف قلبى اى حاجة لية
واريج عندها حق انها ما تحسش انها ضعيفة ادامة هوة بالخصوص عشان ما يستغلش النقطة دى فيها
بس انا مش معا اريج خالص انها تعاملة انة صديق
حلو اوى اوى اوى اوى الموضوع دة ياجنة

ولا كانه موجود
ولاكانى شفته عادى خالص
بس حلو الموضوع ده ياجمه

ميرسي ليكي يا اريج انتي وبيور ونونا وقمر علي ردكوا الجميل

وانا يا اريج مش ضد انك تكوني قوية قدامه
لا انا مش معاكي بس في مينفعش نعتبره صديق او انسان عادي يعني سحابة سودا ماشية وخلاص

وعلي فكرة يا اريج انا مقولتش ان رأيك غلط
احنا هنا عشان نشوف اراء بعض

ياحبيبتى انا عارفة ان كل واحد لية وجة نظر
بس انا اقولك الموقف دة حصل معايا فعلا
قوليلى لما تلاقية جاى يسلم عليكى هتسيبة وتمشى ولا هتقفى تبينيلة انة مش ماثر معاكى الى عملة فيكى
وانك احسن منة؟
هو اصلا عمرة ماهيبقى صديق ولا حتى معرفة لانة مايستهلش

هسيبه وامشي يا اريج
حتي لو اتكلم وقالي ازيك عاملة ايه
ولا كاني سمعت حاجة خالص
واسيبه وامشي

مش اوى كدة يا جنة يعنى لو عينك ف عينة اكيد لازم تقفى تسلمى علية وتبينيلة انة شخص عادى جدا زى اى واحد ما لوش لازمة

لالا بالعكس
انا لو وقفت واسلمت عليه كدا انا بفتح باب للكلام وكمان ممكن نفتح الموضوع القديم تاني

بمجرد انك بعدتى عن حبيبك يبقى كده لازم تنسيه ولو قابلتيه او جت سيرته فى اى موقف عادى زى اكنه اى شخص تعرفيه ولا تفكرى فى اى حاجه كانت بينكم وياستى خليها عليى وابقى سلمى عليه ده السلام لله ...ههههه

ههههههههههه

ونعم بالله
بس دا مش انسان يعني عشان اسلم عليه
وعموما ميرسي يا سكالينا علي مرورك

يعنى ايه يا جنه ده مش انسان كلنا بشر وكل واحد برضه له احاسيسه ومشاعره لازم نحترمها مهما كان اللى حصل ... ربنا بيسامح
يبقى انت يا انسان مش هتسامح... خلى قلبك ابيض واتعاملى بحسن نيه وهتلاقى ربنا معاكى فى كل موقف...
ميرسى على ردك والموضوع حلو اوى.. تسلمى

والله قلبي ابيض وكل حاجة
بس في ناس معينة مينفعش قلبي يبقي البض معاهم
ولو كدا الناس هي اللي هتدوس عليا
ولو مكنش الناس تبقي الايام
لازم اتعامل مع الناس زي ماهي بتتعامل معايا
يعني عمر ما انسان كان كويس معايا وهديله ظهري لا يمكن طبعا
بس دا انسان لازم اظهر قدامه اني احساسي ليه اتعدم وانا شايفاه زي اي واحد عادي وميستحقش اني اسلم عليه

ميرسي اوي يا سكالينا علي اهتمامك الجميل دا