ناويين تعملوا اية

ناويين تعملوا اية
الاجازة قربت اوى وياريت كل واحد فينا يقول بيعمل اية ف الاجازة او نفسة الاجازة تكون ازاى
ولو حد عندة فكرة جديدة ياريت يقولها عشان كلنا نقلدة وتبقى اجازة تحفة ان شاء اللة
اتفقنا يا جماعة

ايه رأيكوا نقضي الاجازة كلنا مع بعض
هههههههههه

والله الواحد نفسه فى تغيير .. بما انك يا نونى صاحبه الفكره فياريت تكملى جميلك وتقوليلنا اقتراحات للاجازة بالمره ههههههههههه
وخليها عليكى بقى.... موضوعك حلو والله بس ناقصه الاقتراحات.

بصو يجماعة الصيف السنة دى جامد جدا واهم حاجة الواحد يعملها انة يروح يصيف ويفضل فى المصيف اطول فترة ممكنة


لو حد عندة اقتراح تانى يقول

المصيف بقى تقليدى اوى يا نور احنا عاوزيييييييييين تجديد .. احنا كده كده هانروح نصيف

ميرسى يا جماعة على ردودكم انا واللة لو عندى فكرة كنت قولتها بس انا نفسى عايزة اراء جديدة
بس فكرتك جامدة يا جنة كانت تايهة منى فين دى ههههههههههههه
طب اقترحى انتى سكالينا
واقتراح نور حلو بس مين بيقضى تلات شهور مصيف دة الواحد يزهق برضة ميرسى على مرورك يا نور منورة التوبيك

مفيش حل غير انا الواحد يقضيها خروجات مع صحابه

انا عن نفسي هروح عند اختي
وهاخد ان شاء الله دورة كدا تبع الكلية
وهروح لقرايبي كلهم وصحابي

طبعا دا كله مفهوش حاجة اسمها تجديد
بس دا اللي هعمله
وياريت لو حد عنده اي فكرة جامدة كدا يجمدنا معااااه

طيب انا اقولكم ممكن تعملوا اية

1ـاولا تروحوا المصيف
2_ولما ترجعوا تقضوها خروج مثلا يعنى 6 او 7

3ـولما ترجعوا ياما تقعدوا قدام الكمبيوتر او التلفزيون وطبعا هتنسوا الوقت فى الحالتين وهتلاقوا نفسكم الصبح

4ـتدخلوا تنامو وتصحوا مثلا الساعة 1 الظهر تفطرى او تدغدى مش مشكلة

5ـتقومى توضبى فى الشقى شوية عشان مامتك ماتضربكيش بالشبشب

6ـوبعد كدة طبعا مش هتخرجى كل يوم اقعدى مثلا اتراخمى على اخواتك اتكلمى مع مامتك

7ـوممكن تقومى مشغلة اغانى وطفى النور وتسرحى مع نفسك

8ـوبردك يعنى تقرى قراءن يمكن ربنا يهدينا كلنا

9ـوتحاولى تحفظى قراءن فى البيت او فى حاجة كدة زى الجامع مجمع بيحفظوا قراءن فية

10ـوممكن تقومى تاخدى بعضك وتروحى لبنت خالتك او اى حد من قرايبك القريبين ليكى وتقعدوا تتكلموا وتجيبوا سيرة الناس هههههههههه نميمة يعنى

11ـوفى يوم تقومى عزمة اصحابك عندك وتقضوا اليوم مع بعض وهكذا كل مرة واحد تعزم الباقين

12ـممكن تقنعى بابكى مثلا او اخوكى ياخدك سينما

14ـفى حاجة جميلة اوى ممكن تعملوها بجد جربتها وحسيت بسعادة ملهاش مثيل تاخدى اصحابك وتروحى ملجاء ايتام وتقعدى تلعبى مع الاطفال الصغيرين
بجد والله هتحسى انك طفلة صغيرة بتعلعب معاهم ولا لما حد فيهم يقولك ياماما بجد بيخطف قلبك

كفاية كدة عليكم بقى

ميرسى ليكى يا اريج بجد افدتينا بس انا نفسى ف حاجة مجنونة حاجة روشة يعنى
اصل الحاجات دى انا بعملها كلها ما عدا ملجا الايتام بصراحة مجربتوش بس هجربة ان شاء اللة الصيف دة
ها حد عندة فكرة مجنونة

بصى هاتى اصحابك البنات
واعملوا حفلة فى البيت وهاتى المكياج بتاعك وارسموا على وشكم قطط وكدة يعنى
وشغلى ميوزك واقعدوا اتنططوا شية وارقصوا وكدة بقى
هههههههههههههههههههه
مافيش اجن من كدة اهوة

بجد فكرة حلوة اوى وياة بقى لو نجيب دى جى ونهيس بقى بجد
وكمان لو الواد بتاع الدى جى مجنون كدة يشغلنا الاغانى البيئة ساعتها ماما وبابا هيتبسطوا منى اوى واحتمال كبير تبقى اخر حفلة فى حياتى هههههههههههههههههههههههههههه
ميرسى ليكى يا اريج

شكرا نونا على التوبك والاجازه جت وقربت تخلص ومعملتش اى حاجه فيها ممتعه
اما لو على الافكار فهى كتير
عندك انك تسافرى اى بلد مش مصيف يعنى فسحه غير المصيف
ممكن تطلعى رحله انتى واقاربك بس اشك انها تطلع
تخرجى
تقعدى على النت وبالذات النت بيضيع وقت جامد
كفايه عليكى كده علشان اديه وجعتنى