ياريت تجاوبوا بصراحة

بصوا ياجماعة مافيش حد ماحبش

انا بقى عاوزة اعرف انتوا فكرتكم عن الحب اية

موجود ولا مش موجود

الحب عموما مشروع ولا مش مشروع

فى حد بيحب بجد ولا مجرد كلمتين فى اغانى والافلام

والمواصفات الى انتوا بتتمنوا تلاقوها

بجد بجد بجد
الموضوع دا تحفة

بصي يا اريج
الحب طبعا موجود وحدش يقدر يقول انه مش موجود حتي لو كان الحد دا اتجرح من الحب
الحب طبعا موجود في الدنيا كلها ولو مكنش الحب موجود مكنش حد قدر يعيش في الدنيا دي

دا علشان حد بس بيلاقي من واحد او اتنين معاملة وحشة بيحس ان الدنيا دي وحشة ومينفعش يعيش فيها ولما يلاقي الحبيب او حد فعلا بيحبه وبيخاف عليه يرجع يبص للدنيا بزاوية تانية خالص
وهي دي الحياة نحب ونتجرح ونرجع نحب ونجرح اللي جرحنا وهكذا

بجد بجد انا عندي كلام كتير اووي في الموضوع دا بس مش عارفة اكتب ايه ولا ايه
بصي يا اريج انتي هتلاقي ليا رد تاني في الموضوع دا
ممكن ولا اكون تقيلة
بس انا عاجبني والله اووي وانا اصلا بحب اتكلم في الواضيع دي

ياحبيبتى اتكلمى وقولى كل الى انتى عوزاة

قولى كل الى جواكى بجد نفسى اسمعك

وكلامك حلو اوى ياجنة

الحب وهم كبير اوي احنا اللي بنخلقو
في بس اعجاب او تعود اما حب معدش خلاص موجود
ولو اي حد يقول اه الحب موجود

تقدر تموت عشان خاطر اللي بتحبو
او تضيع نفسك عشانو ياريت اي حد يقول اه يجاوب علي السؤال ده

ميرسي علي التوبيك ده

ايوة يا سكوربيون
لو اضحي بأي حاجة عشان حبيبي هضحي
لو اموت نفسي عشان هو يعيش هموت نفسي
والله العظيم انا عارفة ان الكلام حاجة والفعل حاجة تانية
بس فعلا زي ما بقولك كدا
اقدر اضيع نفسي عشانه لو هو يستاهل فعلا
حتي لو هو قالي لا انه ميرضاش ليا كدا
بس دا حبيبي
ولو ضعت دلوقتي عشانه هلاقيه جنبي بعد كدا
وبردوا لو كان يستاهل
وساعتها عمري ما هاحس بالضياع ولا هحس اني ندمانة اني ضيعت نفسي

سكوربيون الاحساس بالحب عمره مابيتعوض
وعمرنا ما بنلاقيه بسهولة

وعمرنا ما بنقدر نعيش من غير الحبيب اللي قلبنا اختاره
مش الزمن هو اللي حطه قدامنا
عشان كدا لازم نمسك في الحب دا بادينا وسنانا عشان دي حاجة نادرة
لو فعلا لقيت الحب يا سكوربيون اوعي تضحي بيه ابدا
وخليك معاها واوعي تتخلي عنها ابدا
لانك هتفضل طول عمرك من غير احساس حقيقي

بجد ياريج موضوعك
حلو اووووى
وبجد تسلم ايدك عليه

وانا من رايى ان اكيد الحب موجود والا الحياه كانت اتوقفت من زمان
لكن المشكله فى انك تختار صح وانك تلاقى الشخص الى فعلا يستاهل انك تحبه وستاهل انك تضحى وتعمل كل حاجهفى الدنيا علشانه
لانك لو اسات الاختيار واخترت الشخص الى مش مناسب ومش مقدر حبك ده
فانت بكده بتقضى على نفسك وهتكره الحب وهيبقى من الصعب انك تؤمن بيه تانى
فيريت متفتحش قلبك لاى حد
لان مش كل الناس تستاهل

ايوة انا معاكي يا قمر في رأيك

بصوا ياجماعة الحب موجود
بس الى بيحبوا بجد هما الى بقوا نادرين اوى
الولد دلوقتى يقولك حب اية انا عاوز اقضى يومين وبس
وفى بنات كدة برضة ودة الى مخلينا نشوف ان الحب دة وهم
تعرف ياسكربيون والله الى بيحب بجد مستعد يضحى بكل حاجة عشان الى بيحبة
بس المهم يكون متاكد من حب الشخص التانى لية
ماهو مستحيل اضحى بكل حاجة عشان واحد مايستهلش او عشان واحد هنسيب بعض فى الاخر
انا عن نفسى لو لقيت حد يستاهل وانة بيحبنى بجد ومستعد يكمل معايا للاخر مستعدة افدية بروحى
بس المهم ان يكون فى جنب الحب اولويات يراعوا مشاعر بعض ويراعوا التقاليد

وبجد ياجماعة انا ماكنتش متخيلة ان انتوا تتفاعلوا مع الموضوع دة بالشكل دة
ميرسى ليكم كلكم

انا مش عارف اقول ايه وللاسف مينفعش اقول اي حاجه عشان كده اي حد عمرو ماهيتخيل اللي انا عايشه ولا حاسه ولا اللي هحسو بعد كده طول عمري

على فكرة مش انت لوحدك الى ممكن تكون اتجرحت
بس الشاطر الى يخرج من جرحة دة
لان الى جرحك اكيد مش فى دماغة وعايش حياتة
وصدقنى بكرة تلاقى حد يحبك بجد
ومش هاقولك انسى الى فات لانة ماينفعش ننسى جرح جوانا
المهم حاول تكمل حياتك من غير ماتبص للى فات

حلو اوى الموضوع دة يا اريج بس طبعا فى حب وان كان قليل اوى او بقى حاجة نادرة ف الزمان دة بس محدش يقدر ينكر وجودة
بس ايلى بيتجرح مرة يحس خلاص الدنيا وقفت لحد كدة وما فيش حب
واكيد بيبقى ايلى كان حاسس بية مش حب
بس ممكن يكون تعود
بس لما يحاول بجد هيحس ان كل ايللى فات مش حب ولما يفتكر هيعد يضحك على نفسة
وتمنياتى للجميع انهم يلاقوا الحب الحقيقى فعلا

انا معاكى فى رايك يانونا

وميرسى على مرورك الجميل