هل تستطيع ان تغير المراءه الرجل................؟

لا ماظنش ان المراة تغير الراجل
الراجل دماغة ناشفة اصلا
بيبقى عاوز كل الى يقول علية يمشى وخلاص
مش مهم بقى الظروف الى هى فيها

الموضوع جامد اوى سمسمة

التوبيك جميل اووي وفكرته جامدة
بصي يا بيور
المرأة ممكن تغير الرجل
لما يكون بيحبها وبيحترمها وهي كمان بتحترمه
ومش معني انها تغيره انها تغير من طباعه اللي اتربي بيها طول حياته
لان دا بيكون صعب علي الرجل والمرأة
بس ممكن يتغير في حاجات تانية
يعني لو اي حاجة غلط ممكن يبعد عنها
لو اي فكرة غلط بس المرأة هي وشطارتها بقي مش انك تحسسيه ان كلامك هو اللي صح وانت غلط ولازم تسمع كلامي
انا خايفة عليك وانت مش عارف مصلحتك لا
الرجل يحب انه يحس انه طفل صغير ايوة
بس مش في كل الاوقات
وفي اوقات معينة ميحبش يحس الاحساس دا
ولازم المرأة تختار الوقت المناسب للمناقشة عشان يقتنع


وانا من رأيي ان بدل في خلافات بينهم
لازم هي تتغير شوية صغيرين من عندها
وهو شوية صغيرين من عندها
وهيوصلوا لبعض
مش هي بس اللي تتغير ولا هو بس

مرسى اوى لمروركو يا جنه واريج
بس بنضم لجنه فى راءيهاا

akeed momken l2y 2mr2a t3'eyer el ragl
bs ll2sf b3d ama yt3'er 3shan 7'atrha tzed kol elly bttlobo w elmafrod en el ragel ynfz k2no b2a 7k moktsb w lma tzed el 25tlafat w el ragel ygeb a5ro w yb3d trg3 t2ol da sabny
please mafesh ay wa7da tnkr en da elly by7sl

كلامك صح ياجنة بس على اساس اصلا ان هو عندة استعداد يتغير
بس دى بقت نادرة شوية

بس اللى بيحب حد بيتغير علشاانو

انا من رايى ان المراة عندها الادوات ايلى تغير بيها الراجل
من غير ما تحسسة ان كرامتة هتفقد
المراة ف الحاجات دى ما لهاش مثيل
لانها عارفة دماغ الراجل وعارفة ازاى ممكن تغيرة
ولازم زى ما قالت جنة انها تحسسة ان هى كمان هتتغير
عشان ما يحسش انة ضعيف او ماشى وراها زى ما بيقولوا
بجد موضوع حلو اوى يا بيور تسلم ايديك

مرسى ليكوا يا سكروبيون انت ونونا
على رودودكو
وياارب يكوون عجبكووو

التوبيك جامد اوى
انا من رأى ان الرجاله المصريين بالذات كرامتهم مش تسمحلهم انهم يتغيرواعلى ايد واحده ست
بمعنى اصح انهم يسمعوا كلام مراتتهم لان دى تعتبر عيبه فى حقهم
بس البنت منا ممكن تخلى الراجل زى ما هى عايزه بس بطرق خاصه
تحسسه ان رايه ماشى بس فى الحقيقه رايها هى هو اللى ماشى
ومرسى على الموضوع