يوميات صيدلانيه فى جمهوريه مصر العالميه

فى يوم من الايام لقيت نفسى خلصت كليه صيدله ...خمس سنين عرق وكفاح ومصاريف ايه ودروس ايه وشحططه ايه....وكله كوم وتهيئات الامتحانات كوم تانى وكوابيس وكنت بتكلم وبمشى وانا نايمه يعنى لو كنت طولت شويه فى الكليه كنت دخلت العباسيه من اوسع ابوابها.........
اتخرجت وبقيت دكتوره قد الدنيا ...ياسلام والناس جت تبارك وتهنى ولا اللى راجع من الحجاز ....
وحسيت بقى انى دكتوره لا اى اى ولا زى زى وبعد ما اخدنا الهدايا المتينه والماليه المحترمه وارتحت بتاع شهرين.........
قلت مبدهاش بقى انا لازم اشتغل واحقق زاتى مش معقول احرم الناس والبشريه من خبرتى الفظيعه

وان شاء الله اخد بايد العيانين من الدكتور عالحانوتى عدل ....
مش معقول اعيش طول عمرى عاله عالمجتمع وعلى بابا لازم اكون عضو فعال فى المجتمع....ومصر هيا امى ..حتى لونى بمبى لون كوستك يامصر ........

قلت ادور على صيدليه اشتغل واكسب من عرق جبينى(بس الصيدليه لازم يكون فيها تكييف اه الجو نار انا مش ناقصه )
عملت اعلانات فى كل حته ولقيت الاتى............
.ياااااااااااااه لسه فاكره دا الناس مربطه عالشغل ده من الامتحانات.......معقول مش ممكن...

المهم فين وفين لما لقيت دكتور قالى انا احتمال الدكتور اللى معايا يجيله جيش ويمشى ادعى بقى ان الجيش يجيله وانا اجيبك مكانه
(لو الصيدلى الزميل يعرف انا دعيتله قد ايه ان ربنا يرزقه بالجيش مش كده وبس ويكون ظابط على الاقل 3 سنين مش هيصدق )

وعلى راى المثل رضينا بالهم والهم مش راضى بينا يعنى انا جيت على نفسى وبقول اشتغل فى صيدليه على بال التكليف مايجى ....وكمان مش لاقيه

وبما ان شعارى اليأس فى التاكس قمت وقفت فى المرايه ونشفت عضلاتى وقلت لاااااااااااااااااااا انا جامده موت انا صيدلانيه مفيش منى اتنين دانا متخرجه بتقدير جيد ...دانا جدودى الفراعنه ...احنا شباب بيعدى فى الحديد ...انا جدى تحتمس اللى قهر المماليك وجدتى حاسب لتشووت وعرابى ....انا عمرى مااياس ابداااااااااا


وقعدت اشحن طاقتى وجبت كيس شيبسى العائلى وشغلت اغنيه نانسى عجرم لو سالتك انت مصرى
قلها باعلى صوت وارفع راسك لفوق انا مصرى وابويا مصرى
يااااااااااااااااااه اخيرا لقيت صيدليه الحمد لله شيفت خمس ساعات بكام؟؟؟؟؟؟؟؟؟؟بميتين جنيه يا بلاش!!
ده ام السيد (الهاوس كيبر بتاعتنا ) بتاخد 350 يعنى يادوب بالمرتب اركب تاكاسى واشحن الموبايل واقزقز لب .........
طب وبعدين انا ماصدقت لقيت اقبل ولا لأ يعنى الميتين جنيه دول يستاهلو الواحد يخرج من بيته اصلا
واهو الواحد قاعد بكرامته فى بيته ياكل شيبسى!!!!!!!!!!!!!
مش عارفه

************************************

طبعا الموضوع مش عنى

وبعدين لسه بدرى على حالات الاكتئاب المزمن

لكن الموضوع عجبنى علشان كدا نقلته ليكم ... يعنى الواحد نفسه يفهم برده ايه حكايه الواقع المؤلم ...

فى انتظار مزييييييييييييييييييييييييييييييييييد من يومياتكم سواء فى الكليه او بعد التخرج والفرحة الكبيرة

جامد اوووووووووووووووووى يا رودى
تعيشى وتكتبى
تيلم ايدك