عدد الرسائل : 1726 العمر : 38 االبلد : مصر رقم العضويه : 1 تاريخ التسجيل : 22/12/2007
موضوع: ازاى تبقى رذل مع اخوك الإثنين مايو 05, 2008 11:15 pm
السلام عليكم ورحمة الله وبركاته
طلع عليه اسمه يستفز وناديله بيه يعنى لو جت ناحيته دبانة مرة بالصدفة كده سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى فكره بالمواقف بتاعت زمان اللى بتضايقه كلها زى علقة حلوة كده من بابا او ماما هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب وأنت داخل البيت قوله فى واحد صحبك مستنيك تحت متقولوش هو مين عشان ميعملش ناصح ويتصل بيه يقوله اطلع قوله هو صحبك وأنا عارف شكله بس معرفش اسمه وخليه ينزل ويطلع على الفاضى لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية لو نايم استخدم اى طريقة عشان تصحيه من النوم وهما كتار ما شاء الله عشان اللى معندوش خبرة برضه أقولك تعمل أيه قيد النور كأنك بتدور داخل تدور على حاجة وشغل أعلى نغمة فى موبايلك كأن حد بيتصل بيك ومفيش مانع تدور على الحاجة دى تحت المخدة والمرتبة اللى هو نايم عليهم مش هوصيك بقى وأنت بترفع المخدة اللى عليها راسه عشان تبص تحتها لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية ولو قالك هات بطاريتك إوعى تفرط فيها صحيح هى بطاريته بس هو هيعرف منين فكك لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها أمسح الحاجات اللى على الكمبيوتر اللى هو بيحبها أفلام أغانى صور برامج أى حاجة قوله أنا كنت مشغل الأنتى فيروس وهو اللى مسحهم شكلهم فيهم فيروس وفيروس رذل كمان إحم إحم لو واخد ميعاد من حبيبته يكلمها مثلا على الساعة 10 بالليل كده على النت ولا حاجة أنت قبلها بشوية تقعد تذاكر وتقوم تقول لباباك أو مامتك أنا عايز الكمبيوتر أريح شوية أنا بذاكر من بدرى خليه هو يروح يذاكر شوية لحد ما أريح ويبقى يجى يقعد وتبقى ضيعت عليه الليلة
نفز وقولي اخوك أخباره أيه معاك؟
nonna عضو شغال تمام
عدد الرسائل : 340 العمر : 34 االبلد : القاهرة رقم العضويه : 24 تاريخ التسجيل : 15/04/2008
موضوع: رد: ازاى تبقى رذل مع اخوك الجمعة مايو 09, 2008 6:49 pm
حلوة اوى اوى اوى ياقمر هنفذ ةاقولك
areej عضو شغله جبار
عدد الرسائل : 1362 العمر : 33 االبلد : بحور العاشقين رقم العضويه : 27 تاريخ التسجيل : 17/04/2008
موضوع: رد: ازاى تبقى رذل مع اخوك السبت مايو 10, 2008 3:20 pm
هههههههههههههههههههههههه يالهوى لا انا ماقدرش اعمل فى اخويا كدة مايهونش عليا بس لو نرفزنى وعد انى اعمل فية كدة
2mr-elzaman Admin
عدد الرسائل : 1726 العمر : 38 االبلد : مصر رقم العضويه : 1 تاريخ التسجيل : 22/12/2007
موضوع: رد: ازاى تبقى رذل مع اخوك الجمعة مايو 16, 2008 6:25 pm
مرسى اريج ونونا على مروركم
MR.ahmo0oda عضو شغال تمام
عدد الرسائل : 429 العمر : 30 االبلد : عاصمة جهنم رقم العضويه : 14 تاريخ التسجيل : 08/02/2008
موضوع: رد: ازاى تبقى رذل مع اخوك السبت مايو 17, 2008 3:49 am
ههههههههههه انا هعمل كدة ونص تسلم ايدك يا قمر
2mr-elzaman Admin
عدد الرسائل : 1726 العمر : 38 االبلد : مصر رقم العضويه : 1 تاريخ التسجيل : 22/12/2007
موضوع: رد: ازاى تبقى رذل مع اخوك السبت مايو 17, 2008 11:21 am
ههههههه ليه هو اخوك مضايقك لدرجاتى
scorpi0o0n عضو شغله جبار
عدد الرسائل : 2362 العمر : 35 االبلد : Egypt رقم العضويه : 15 تاريخ التسجيل : 13/02/2008
موضوع: رد: ازاى تبقى رذل مع اخوك السبت مايو 17, 2008 5:38 pm
هههههههههههه جامده اوي الحجات دي
بس يا قمر احسن حاجه عشان اغيظه وهو نايم احط بين صوابعه ورقه واولع فيها لغايه اما تلسعه ويقوم مفزوووع هههههههههههههههههه
تسلم ايدك
جنة الله عضو شغله جبار
عدد الرسائل : 2535 العمر : 34 االبلد : قاع البحر رقم العضويه : 13 تاريخ التسجيل : 08/02/2008
موضوع: رد: ازاى تبقى رذل مع اخوك الجمعة يونيو 13, 2008 1:10 am
هههههههه ايه الاجرام دا يا سكوربيون
حلوين اووي يا قمر بس انا معنديش اخوات ولاد ينفع امشيها بنات ولا صعبة شوية
princess عضو شغله جبار
عدد الرسائل : 628 العمر : 31 االبلد : مملكه الحب تاريخ التسجيل : 13/07/2008
موضوع: رد: ازاى تبقى رذل مع اخوك الأحد أغسطس 31, 2008 11:05 am
تسلم ايدك يا قمر بس تقريبا اخويه قراها قبلى نفذ كل نصايحك الحمد لله هههههههههههههههههههه